13.4.16

Concentración do 14 de abril


Convocamos á cidadanía a concentrarnos mañá, 14 de abril, ás 12:30,  diante da Praza do Concello, como homenaxe á II República.

9.4.16

Resumo do Pleno ordinario do concello do 8 de abril

Resumo de Pauliño del Río, o noso voceiro no Concello de Gondomar, do acordado no Pleno
ordinario do oito de abril
Pleno Ordinario, Abril 2016. Celebrado onte, día 8 no Auditorio Lois Tobío, as 20:00h.

Duración do mesmo 5:30 horas.

Propostas do Goberno:

Única: Mostrar conformidade co borrador consensuado polos 14 Alcaldes da Área Metropolitana.

Votos a prol: PSOE, PP, MM e IxG.

Abstención Gondomar Concello Aberto. Motivos principais: Non se garante unha solución a curto prazo no tema do Transporte interurbano de Gondomar (seguimos co esperpento de deixar aos viaxeiros a 2 quilómetros de Gondomar). Non hai nin un somero estudio económico financeiro dos custes para os concellos e o financiamento da Area Metropolitana. Non se nos aclara se supón a desaparición da Mancomunidade do Val Miñor. Moitas dúbidas co subministro de auga en alta e a súa repercusión nas tarifas cando se traspasen os encoros de Eiras e Zamáns. Unha ocasión perdida polo Sr. Alcalde para consensuar co resto das forzas políticas de Gondomar a postura do Concello cara a futura Área Metropolitana. Ao longo destes meses non convocou unha soa xunta de voceiros para tratar este tema.

Propostas da Oposición:

Moción do PP (1) Comparecencia da concelleira de Igualdade: Unanimidade.
Moción de IxG (1) Proposta de Asfaltado de viario do camiño da Costa e Seidons. Unanimidade.

Propostas de CABE: (5)

CONMEMORACIÓN DO 14 ABRIL, PROCLAMACIÓN DA II REPÚBLICA. Condena do alzamento militar do 18 de xullo do 1936. Que ondee a bandeira republicana coma homenaxe aos que defenderon a II República e a legalidade democrática. Organización polo Concello de actos
 conmemorativos e divulgativos deste 85 aniversario. Apróbase por maioría.

  • Votos a prol 6: CABE, MM
  • En contra: 4 PP
  • Abstención: 7 PSOE e IxG.


POLA RECUPERACIÓN DA MEMORIA HISTÓRICA. Cumprimento da Lei da Memoria histórica. Apróbase por maioría.

  • Votos a prol: 10 CABE, MM, PSOE.
  • Abstencións: 6 PP e IxG.


SEGURIDADE PÚBLICA EN GONDOMAR: Ínstase ao Sr. Alcalde como Presidente da Xunta Local de Seguridade para que traslade a inquedanza de veciñanza e comerciantes polo roubos e entradas en locais, garaxes e vehículos, que se trate este tema e se implementen as medidas necesarias para corrixir esta situación. Apróbase por unanimidade.

REVERSIÓN A PUBLICO DO HOSPITAL ÁLVARO CUNQUEIRO. Que a corporación Municipal sesume á denuncia ante Europa da concesión privada do HAC realizada pola Asociación para a defensa da sanidade pública. Que se sume á petición parlamentaria de rescate da concesión. Que se dea traslado desta Moción ao resto dos concello do Val Miñor. Apróbase por maioría.

  • Votos a prol: CABE, MM, PSOE e IxG.
  • En contra o PP.

MOCIÓN DE URXENCIA DO MM: Dirixirse á Consellaría de Educación para instar a que renuncie ao peche anunciado e manteña aberta a Escola Infantil de Mañufe. Aprobada por unanimidade.

MOCIÓN DE URXENCIA PRESENTADA POR CABE: SEGURIDADE E ACCESO AO CEIP SERRA- VINCIOS. Medida inmediata, peche do recinto escolar dotando ao portal exterior dun porteiro automático e videoporteiro. Medidas a tomar antes do comezo do curso escolar 2016/2017 que se consensúe entre a comunidade escolar e as Administracións local e autonómica a planificación e execución das obras de acceso ao recinto escolar. Aprobada por unanimidade.
Salientar nesta moción a indignación das nais e pais presentes que increparon constante e repetidamente ao Sr. Alcalde acusandoo de mentir de forma reiterada nas súas explicación par xustificar a súa falla de xestión e como se perdeu todo un curso escolar con escusas, mentiras e constantes cambios de opinión e de solucións a esta problemática. Incluso lle esixiron en numerosas ocasións un mínimo de respecto.

Non se pode mentir e terxiversar os feitos de forma reiterada para xustificarse ante a súa falla de cumprimento das promesas dadas, a falla de consideración e desplantes á comunidade educativa, a ineficacia e ineficiencia da xestión do seu goberno, a falla de compromiso coa seguridade dos nenos e nenas e a ausencia total de criterio para abordar este tema. Cando un gobernante perde a noción da realidade, mal asunto.

Gondomar, 8 de abril de 2016

Pauliño del Río Iglesias.

Voceiro do Grupo Municipal de Gondomar Concello Aberto.

5.4.16

Convocatoria do grupo de comunicación o 6 de abril

Convócase reunión de comunicación para o vindeiro mércores 6 de abril ás  20:30 h para tratar da maquetación, deseño e elaboración do boletin nº 2.

Mocións e convocatoria de pleno ordinario para o xoves 7 de abril

O próximo Pleno Ordinario, xoves día 7 de abril ás 20:00 horas, no Auditorio Lois Tobío.

Orde do día:
Punto Único: Proposta da Alcaldía para dar conformidade ao borrador de modificación da Lei 4/2012 da Área Metropolitana.

MOCIÓNS:

CABE (pica encol do texto para acceder ao documento)

PP
  • Comparecencia da Concelleira de Igualdade.
IxG
  • Amaño camiño de Piquetes. Mañufe.