5.4.16

Mocións e convocatoria de pleno ordinario para o xoves 7 de abril

O próximo Pleno Ordinario, xoves día 7 de abril ás 20:00 horas, no Auditorio Lois Tobío.

Orde do día:
Punto Único: Proposta da Alcaldía para dar conformidade ao borrador de modificación da Lei 4/2012 da Área Metropolitana.

MOCIÓNS:

CABE (pica encol do texto para acceder ao documento)

PP
  • Comparecencia da Concelleira de Igualdade.
IxG
  • Amaño camiño de Piquetes. Mañufe.

24.3.16

Eu acollo

Queremos un lugar seguro para as persoas refuxiadas

Desde que empezou a crise de persoas refuxiadas, a sociedade civil en España mostrouse enormemente solidaria e a favor da acollida das xentes que o perderon todo fuxindo dos conflitos, a violencia e as crises humanitarias. Con todo, o goberno español segue sen escoitarnos.
Pero queremos que se nos escoite e, para iso, faise imprescindible unirnos e xerar unha gran presión desde abaixo na que organizacións, colectivos e asociacións de todo tipo sumémonos e esixamos ao goberno español que aumente significativamente o número de prazas de reasentamento, incluídas as destinadas a mulleres e nenas e a persoas en situación de especial vulnerabilidade.
Por iso queremos pedirvos que vos sumedes a un manifesto que faremos chegar ao goberno.

Propuxémonos sumar 1.000 organizacións ou colectivos. Só facendo moito ruído o goberno, que ata agora permaneceu de costas ao sufrimento de miles de persoas en situación desesperada, se dignará a escoitar.


Descarga o Manifesto aquí

Andaina polo Galiñeiro

O domingo 17 de abril hai unha nova edición da Andaina polo Galiñeiro, a sexta.

Dende a Plataforma de defensa da serra do Galiñeiro fan un chamamento a todas as persoas que sintan o monte Galiñeiro como seu para que colaboren con ela. Este convite é extensible a todas as organizacións, asociacións e entidades da redonda (e doutros lugares tamén) a participar na medida das súas posibilidades, e no xeito que eles e elas estimen, a traballar coa Plataforma na protección desta serra.

16.3.16

Convocatoria de Asemblea veciñal o 16 de marzo

Convócase á Asamblea de Gondomar Concello Aberto para o mércores día 16 ás 20:30 horas na
Casa da Cultura de Gondomar coa seguinte orde do día:


  1. Aprobación se procede da acta anterior.
  2. Plan de actuación de CABE na nova situación.
  3. Información das xuntanzas das Mareas; debate do documento de Marea de Vig e proposta de regulamento para xuntanzas intermareais.
  4. Alegacións Plan Sectorial de A Pasaxe
  5. Información grupo de comunicación.
  6. Rogos e preguntas.
  7. Cambio dos membros da mesa.

2.3.16

Mocións de CABE no pleno do xoves tres de marzo

No pleno ordinario do Concello de Gondomar do xoves tres de marzo (20:00 no Auditorio Lois Tobío) os concelleiros de CABE presentarán as seguintes mocións:




  •                 Solicitude de comparecencia do Concelleiro de Urbanismo.
  •                 Asociación Galega de Artesáns Tradicionais (AGAT) 
  •                 PAH. Desafiuzamentos e Plan de vivenda.
  •                 40º Aniversario da República Árabe Saharaui Democrática


29.2.16

Convocatoria do grupo de comunicación do 2 de marzo

Convócase reunión do Grupo de comunicación para o mércores 2 de marzo, ás 20:30 horas, no local de CABE.

24.2.16

Comunicado de CABE

O pasado sábado, 20 de febreiro, a asemblea de Cabe decidiu recoñecer e agradecer a labor que desenvolve a Asociación Galega de Artesáns Tradicionais (AGAT) en Gondomar.
Esta asociación forma artesáns de diferentes sectores e convoca cursos de perfeccionamento, de custo cero para as participantes, en diferentes técnicas, sobor de todo no téxtil.

Grazas ao seu traballo, dáselle un recoñecemento oficial ás competencias dos artesáns que alí se forman e ademais o nome de Gondomar é coñecido no ámbito da artesanía en Galicia e en toda España.
Son estes os motivos polos que Gondomar Concello Aberto defende a permanencia do Taller da AGAT en Gondomar e, fronte as declaracións vertidas por parte de algúns membros do equipo de goberno, entendemos que por absoluto descoñecemento do labor alí desenvolvido, solicita que o concello valore e difunda a súa actividade.

Convocatoria do grupo de traballo do PERI 0 25 de febreiro

Para o xoves 25 ás 16:00 horas no local de CABE convócase ao Grupo de traballo para preparar as alegacións ao PERI, tal como acordamos na pasada asemblea. 

17.2.16

Convocatoria de Asemblea veciñal o sábado 20 de febreiro

Convócase Asemblea veciñal para o sábado 20 de febreiro, ás 19:00, na Casa da Cultura de
Gondomar, coa seguinte orde do día minutada:

1.  Lectura e aprobación se procede da acta da asemblea anterior (10 min.)
2. Valoración das respostas á saída de CABE do goberno municipal (15 min.)
3. Información dos concelleiros de CABE (15 min.)
4. Información da situación do polígono da Pasaxe e da gasolineira de Vincios (Referencia Pura) (30 min.)
5. Información da proposta de usos do CDL (Referencia Chechu).
Carta da veciña de Peitieiros sobre o conflito polo Taller de Artesanía Téxtil de Gondomar (20 min.)
6. Plan de actuación de CABE na nova situación (20 min.)
7. Información das xuntanzas das Mareas (15 min.)
8. Cambio dos membros da mesa (5 min.)
9. Rogos e preguntas (5 min.)

Convocatoria de Xuntanza sobre o Peri da Pasaxe o 18 de febreiro

Convócase xuntanza sobre o PERI da Pasaxe o xoves 18 de febreiro ás 16:00 horas no local de CABE no CDL.

15.2.16

Convocatoria do grupo de comunicación o 17 de febreiro

Convócase reunión do Grupo de comunicación para o próximo mércores, 17 de febreiro, ás 20:00 horas no local de CABE.

2.2.16

Comunicado de CABE ate a decisión da Asemblea do 30.01.2016

COMUNICADO DE CABE ANTE A DECISIÓN DA ASEMBLEA DO 30/1/2016

O pasado verán, asinamos un pacto para constituír un único goberno municipal plural e dialogante entre si e coa cidadanía, co obxectivo de mudar unha situación que tiña sen atender necesidades básicas dos veciños e veciñas de Gondomar.

Nin nese momento nin agora consideramos que estar dentro do goberno sexa un fin en si mesmo; nós considerámolo un medio, unha ferramenta de transformación da realidade.  Acordamos que a acción de goberno se tiña que basear en tres principios: coordinación, transparencia e participación, e nun código ético que aseguraba que a política municipal fose unha actividade no que os veciños e veciñas participasen e puidesen decidir democraticamente en todos os asuntos da súa comunidade.

Durante estes meses de traballo detectáronse diferentes incumprimentos dos acordos asinados. Coa vontade de poñerlle solución, e tras debatelo en asemblea no mes de novembro, instamos aos nosos socios de goberno a mudar esa situación como condición necesaria para que CABE continuara no goberno.

Propuxemos dúas medidas, a coordinación efectiva do goberno municipal e a posta en marcha dunha Comisión de seguimento do Acordo asinado. A coordinación do grupo de goberno seguiu sen ser efectiva, e a invitación de CABE a Manifesto Miñor e ao PSOE para reconducir a situación non foi aceptada, polo que a situación de descoordinación agravouse.

Como paradigma da situación no que se atopaba o goberno temos o último pleno municipal do 21 de xaneiro, feito de forma unilateral polo señor alcalde, sen coordinación cos seus socios de goberno, sen transparencia, sen diálogo cos grupos da oposición e que foi ademais inútil e un gasto innecesario para as arcas municipais.

Sabemos e aceptamos o custe político desta decisión de abandonar o goberno por parte de Gondomar Concello Aberto, pero maior sería o custe político de decepcionar á cidadanía que nos apoiou para facer unha política diferente.

Non sendo posible facer isto dende o seo do goberno, a intención de CABE é conseguir estes obxectivos dende a oposición. O que CABE en ningún caso vai facer é oposición dentro do goberno.
Os nosos obxectivos non mudaron dende o nacemento da nosa organización e non está no ADN de CABE acomodarse ao sillón: viñemos a facer un punto e aparte nas políticas municipais .

Rolda de prensa de CABE respecto á decisión da Asemblea do 30.01.16

O martes dous de febreiro, contra as 12:00, no Concello de Gondomar, os concelleiros e membros rolda de prensa para dar a coñecer o comunicado respecto ao acordo da Asemblea do pasado día 30 de xaneiro.
de CABE convocan a unha

Concello de Gondomar
2 de febreiro
12:00

30.1.16

Asemblea veciñal

A Mesa da Asemblea de CABE convoca pola presente a toda a veciñanza de Gondomar a unha  asamblea que se celebrará no Centro Neural, lugar das Cercas, o vindeiro sábado día 30 dos  correntes a partir das 19.00 horas (sete da tarde) coa seguinte

ORDE DO DÍA

1. Lectura e aprobación, se procede, da Acta da asamblea anterior
2. Proposta de que os concelleiros de CABE abandonen o Goberno do Concello de  Gondomar

23.1.16

Asemblea veciñal

A Mesa da Asemblea de CABE convoca pola presente a toda a veciñanza de Gondomar a unha que se celebrará no Centro Neural, lugar das Cercas, o vindeiro martes día 26 dos correntes a partir das 20 horas (oito da tarde) e ata ás dez horas, coa seguinte
asemblea

ORDE DO DÍA 

1º- Lectura e aprobación, se procede, da Acta da asamblea anterior.
2º- Aprobación da representación de CABE nos grupos de traballo da Axenda 21.
3º- Informe e debate sobre propostas do grupo de transparencia.
4º- Informe e debate dos representantes institucionais de CABE no Concello.
5º- Rogos, preguntas e asuntos varios.

Acta do Grupo de transparencia

Velaquí queda a ligazón á acta do Grupo de transparencia.


20.1.16

Xuntanza sobre comercio e dinamización económica municipal

Convócase unha xuntanza sobre comercio e dinamización económica municipal o vindeiro luns, 25 de xaneiro, ás 21 horas na sede de CABE. Trátase de xuntar ideas que poidan ser impulsadas dende a concellería de dinamización e emprego.

16.1.16

Recollida de sinaturas para composteiros

Durante os días venres 15, sábado 16 e domingo 17, contra as 16:30, no CDL, estanse recollendo sinaturas para participar no programa de compostaxe comunitario da Deputación de Pontevedra. 


Charla informativa sobre o TTIP

O venres 22 de xaneiro, contra as 20:00, na Aula 06 do Centro de Desenvolvemento Local (CDL), haberá unha charla informativa sobre o Tratado de Libre Comercio EEUU-Unión Europea.