21.12.15
18.12.15
15.12.15
12.12.15
VIII Premio de Poesía Victoriano Taibo
Hoxe, 12 de decembro, ás 19:30 horas, terá lugar no auditorio municipal Lois Tobío de Gondomar a entrega do VIII Premio de Poesía Victoriano Taibo, convocado polo Instituto de Estudos Miñoranos e a Entidade Local de Morgadáns. Na gala participarán, ademais do gañador, o poeta Iñaki Varela Pérez, a escritora Marta Dacosta, o grupo de gaitas Balcón do Miñor, de Morgadáns, e o grupo de teatro afeccionado Bertorella, que porá en escena unha dramatización de Contos pequenos, obra inédita de Victoriano Taibo. A entrega física do galardón correrá a cargo do alcalde de Gondomar, Francisco Ferreira, e clausurará esta actividade, previsiblemente, o presidente da Real Academia Galega, Xesús Alonso Montero.
O certame literario pasa por un momento difícil, pois necesita o compromiso decido das administracións da zona para ter continuidade.
Unha asociación de tanto mérito como Espazo Lectura manifesta o seu apoio á continuidade deste prestixioso Premio e anima ás súas socias e socios a asistir a este acto.
Desde o grupo de comunicación difundimos esta proposta e convidamos a asistir a toda a cidadanía de Gondomar.
O certame literario pasa por un momento difícil, pois necesita o compromiso decido das administracións da zona para ter continuidade.
Unha asociación de tanto mérito como Espazo Lectura manifesta o seu apoio á continuidade deste prestixioso Premio e anima ás súas socias e socios a asistir a este acto.
Desde o grupo de comunicación difundimos esta proposta e convidamos a asistir a toda a cidadanía de Gondomar.
11.12.15
Faite apoderada de En Marea
Colabora como apoderada de En Marea durante a xornada electoral do vindeiro 20D!Inscríbete aquí:
http://enmarea.gal/
10.12.15
9.12.15
6.12.15
Programa e 20 propostas de En Marea
Velaquí a ligazón ás 20 propostas de En Marea e mais ao programa electoral para as eleccións xerais do 20D.
Actividade prevista para o luns 7
5.12.15
Xuntanza de En Marea
Alexandra Fernández e Josué Villar, número 1 e número 3 por Pontevedra de En Marea, reuníronse con activistas do Val Miñor na noitiña do venres 4 en Gondomar.Entre outros e outras estaban Ximena Varela, concelleira de CABE, José Cuevas, concelleiro de Nigrán Decide, Rosa Pascual de Podemos Gondomar e X. M. Crego de Anova Val Miñor.
Pegada de cartaces de En Marea
Mañá, domingo 6 de decembro, os simpatizantes de En Marea de Baiona, Nigrán e Gondomar, quedaremos ás 22:00 horas, nos respectivos concellos de cada municipio, como punto de reunión, para a pegada de cartaces.
Lembra:
Lembra:
- Domingo 6 de decembro
- Ás 22:00
- Concellos de Baiona, Nigrán e Gondomar
Encontro con Josúe Villar, candidato ao Congreso por En Marea
O domingo 6 de decembro, ás 13:30, na Tapería O Druída, celebraremos un encontro-vermú con Josué Villar Ballesteros, candidato ao congreso, número tres na lista de En Marea, nas vindeiras eleccións do 20 de decembro. Lembra
- Domingo 6 de decembro, ás 13:30
- Tapería O Druida
(Praza Mario Puentes, 8)
Patos, Nigrán
3.12.15
En Marea
Mañá, venres 4 de Decembro, convocamos a toda a cidadanía disposta a traballar na campaña de En Marea para organizar o traballo de Campaña no Val Miñor. Tamén recibiremos a visitas das persoas que forman a candidatura da provincia de Pontevedra.A xuntanza de organización de campaña será ás 20:00 na aula 06 do CDL de Gondomar (antigo Colexio Enrique Rodríguez Márquez) na Avenida do Conde s/n.
Esperamos contar coa vosa axuda e participación para o traballo de campaña.
Grazas e moita forza!
1.12.15
Apoio a En Marea
Convocatoria de Asemblea veciñal
30.11.15
Informe de actividade
25.11.15
Asemblea veciñal
Reunión do Grupo de urbanismo
17.11.15
Acta da Asemblea veciñal e análise do Pacto de goberno
10.11.15
Xuntanza do Grupo de urbanismo
7.11.15
Asemblea veciñal para o luns 9 de novembro
Convócase Asemblea veciñal para o luns 09 de novembro ás 20:45 en primeira convocatoria e 21:15 en segunda, na Casa de Cultura de Gondomar, coa seguinte orde do día:- Lectura e aprobación si procede da acta, da asemblea anterior, a do día 5 de novembro.
- Información da concelleira e os concelleiros sobre a reunión do venres 6 no Concello.
- Toma de decisións sobre o exposto.
- Renovación da mesa en dous membros.
- Varios.
4.11.15
Asemblea veciñal
Convócase Asemblea veciñal para o día 5 de novembro, xoves, no Centro Neural, ás 20:45 en primeira convocatoria e ás 21:15 en segunda, co seguinte orde do día:- Aprobación do documento de análise do cumplimento do pacto de goberno
- Elección de voceira ou voceiro da Asemblea
- Renovación da Mesa da Asemblea
- Varios
31.10.15
Acta da Asemblea Veciñal do 28.10.15
26.10.15
Asemblea Veciñal extraordinaria
20.10.15
Acta da Asemblea Veciñal do 02.10.15. Documento organizativo de CABE
8.10.15
Marchas da Dignidade
Gondomar Concello Aberto somos unha candidatura de unidade creada para dar resposta aos múltiples problemas que ten o noso Concello que non perdemos de vista os acontecementos que afectan ao noso país, nin descoidamos o compromiso coas persoas e a realidade social e económica que a todos e todas afecta.
As Marchas da Dignidade, son un movemento social que na Galiza aglutina no seu seo a máis de sesenta organizacións e colectivos veciñais, sindicais, culturais, sociais e políticos, que se mobilizan na rúa para esixir o remate das políticas que agreden á maioría social golpeada pola chamada crise. As MmdD volven á sair á rúa ante a situación de emerxencia social que afecta a todos os sectores: desde os pensionistas ata a mocidade, pasando pola clase traballadora, o sector pesqueiro, o pequeno comercio ou os pequenos propietarios do campo.
Polo que o noso voceiro proporá ao Pleno da Corporación Municipal que apoie a mobilización convocada polas Marchas da Dignidade prevista para o próximo día 24 de outubro na Praza do Obradoiro en Compostela e que faga un chamamento os veciños e veciñas deste Concello a participar na mesma.
Asemade chamamos á veciñanza a participar a manifestación de apoio a estas marchas que se fará o xoves 8, ás 20 h. na plaza de Fernando el Católico, en Vigo.
2.10.15
Moción sobre as Marchas da dignidade
Pauliño del Rio Iglesias, concelleiro da Corporación Municipal de Gondomar presenta para o seu debate e aprobación se procede a seguinte
Moción : Marchas da dignidade.
Exposición de motivos:
Gondomar Concello Aberto nace como unha candidatura de unidade para dar resposta aos múltiples problemas que ten o noso Concello. Pero tamén forma parte da súa esencia traballar na política sen perder de vista os acontecementos que afectan ao país no que vivimos e, actuando dende o noso concello, non descoidar o compromiso coas persoas e a realidade social e económica que a todos e todas afecta.
As Marchas da Dignidade, son un movemento social que na Galiza aglutina no seu seo a máis de sesenta organizacións e colectivos veciñais, sindicais, culturais, sociais e políticos do País. As MMdD levan máis de dous anos mobilizándose na rúa para esixir o remate das políticas que agreden á maioría social golpeada pola chamada crise.
Esta corporación municipal é consciente da situación dramática que está a sufrir a maioría social. A chamada crise económica lonxe de rematar chegou para quedarse, por moito que algúns utilicen certos indicadores económicos para aparentar unha mellora que nada ten que ver coa realidade nin cos sectores populares.
Dita situación de emerxencia social derivada da crise estrutural, desde fai anos afecta sen distincións a unha maioría social que é agredida por diversas vías; o desemprego, os recortes sociais, os desafiuzamentos, as privatizacións, ou o desmantelamento dos sectores produtivos tradicionais. Todas e todos estamos sendo golpeados, desde os pensionistas ata a mocidade que ten que emigrar, pasando pola clase traballadora, o sector pesqueiro, o pequeno comercio ou os pequenos propietarios do campo, como acabamos de observar no conflito do sector leiteiro.
Por todo o anteriormente exposto e polo que solicitamos tras o seu debate, a aprobación polo Pleno desta Corporación Municipal do seguinte
Acordo:
O Pleno da Corporación Municipal de Gondomar apoia a mobilización convocada polas Marchas da Dignidade prevista para o próximo día 24 de outubro na Praza do Obradoiro en Compostela, e fai un chamamento os veciños e veciñas deste Concello a participar na mesma.
Gondomar, 01 de outubro de 2015.
Pauliño del Río Iglesias.
Voceiro do Grupo Municipal de CABE.
30.9.15
Asemblea Veciñal
Gondomar Concello Aberto convoca a toda a veciñanza á Asemblea que vai celebrar este venres,día 2 de outubro, ás 20:45 h. no Centro Neural, coa seguinte orde do día:
1.- Desenvolvemento da asemblea, presentada por unha persoa da mesa da asemblea.
2.- Presentación do borrador do documento de organización, por unha persoa do grupo de organización,
3.- Debate e aprobación de propostas sobre o documento.
4.- Rogos e preguntas.
2.- Presentación do borrador do documento de organización, por unha persoa do grupo de organización,
3.- Debate e aprobación de propostas sobre o documento.
4.- Rogos e preguntas.
A mesa da Asemblea.
29.9.15
Informes de actividade
26.9.15
Sobre o tanque de tormentas
![]() |
| Imaxe de Gondomar TV |
Recibido o correo de Elena Comesaña dicirlle que o compromiso de Gondomar Concello Aberto a respeito do tanque de tormentas e a rexeneración da zona segue a selo mesmo que manifestamos en repetidas ocasións: Non se pode emprazar unha instalación deste tipo no centro da vila de Gondomar. Xa demos os primeiros pasos neste sentido, desbrozando e limpando a zona, queda rexenerala e devolvela ao seu estado orixinal como ribeira do río. E estas actuacións faranse sempre contando coa responsabilidade adquirida cos veciños e veciñas de Gondomar.
Agora e ante as actuacións referidas de recuperación da zona, e despois dunha inacción de case dous anos, e de escusas variadas, a Xunta parece que lle entrou a presa e pretende trocar o proxecto e instalar unha estación de bombeo no mesmo sitio. Agora a tres meses vista do prazo de finalización do proxecto din que se non se fai van perder os fondos europeos. Tarde piaches!
A veciñanza de Gondomar non poder ser quen pague a ineficacia e a ineficiencia dunha administración autonómica ao servizo duns intereses que non son os nosos. Tivo tempo de sobra para rematar o proxecto de saneamento e trocar a ubicación da instalación, e facelo dacordo co sentir da opinión dos veciños e veciñas afectados, que somos todos. Non o fixo e agora pretende levar adiante unha modificación do proxecto para acabar onde empezamos. Un desproposito insensato.
Dende Gondomar Concello Aberto usaremos todos os recursos que temos ao noso alcance, dende os xurídicos normativos e procedimentais, como os da mobilización social para impedir que este novo disparate se leve a cabo.
Pauliño del Río Iglesias.
Voceiro do Grupo Municipal de CABE.
22.9.15
Achegas de setembro
Estas son as achegas recibidas en CABE no que vai do mes de setembro (comentarios, propostas ou suxestións) e comunicadas ás concellerías de Gondomar Concello Aberto.
Desconvocada a xuntanza do Grupo de urbanismo e nova convocatoria
21.9.15
Mobilización contra o TTIP
O 10 de Outubro é o día de inicio da Semana de loita contra os tratados de libre comercio: TTIP, TPP, CETA e TISA, unha mobilización global continuidade da do pasado 18 de Abril.
Dende o 1 ao 15 de outubro milleiros de persoas marcharán dende diferentes localidade de toda Europa, para bloquear o cumio da Unión Europea que se dará ese día 15, en diversas protestas que se manterán ata o día 17.
En Vigo o percorrido será o seguinte: Praza de Independencia-Praza de América-Castrelos.
A saída, ás 20:00.
A saída, ás 20:00.
Acta da Asemblea veciñal
Xuntanza do Grupo de urbanismo
10.9.15
Mocións de CABE
O concelleiro e voceiro de CABE no Concello de Gondomar, Pauliño del Río, por mandato da Asemblea Veciñal, vai presentar dúas mocións no Pleno a celebrar o vindeiro xoves, día 17 ás 20:00 horas. Tratan da acollida ás persoas refuxiadas e da oposición ao Tratado Trasatlántico de Comercio e Investimento (TTIP).Os texto das mocións pódense ler aquí:
- Moción de acollida ás persoas refuxiadas
- Moción de oposición ao TTIP
6.9.15
Xuntanza do Grupo de urbanismo
5.9.15
Nota de prensa de CABE
Ante a nova aparecida no Atlántico Diario co gallo da inaguracion das novas
instalacións da Policia Local, e as manifestacións feitas polo Sr. Alcalde Francisco Ferreira, Gondomar Concello Aberto quer manifestar o seguinte:
No Acordo de Goberno asinado polos tres partidos establecíase nidiamente que este acordo representa ética e moralmente un contrato coa cidadanía que responde a un tempo político novo.
Un tempo político novo alonxado da corrupción e a clientelismo e das políticas que xeraron e xeran desigualdade, recortes sociais, privatizacións e limitacións de dereitos e liberdades. Un novo tempo onde a cidadanía e os veciños sexan o núcleo central da acción de goberno.
Políticas, fotos e declaracións como as do Sr. Alcalde de Gondomar onte na inaguración das novas instalacións da Policía Local son radicalmente contrarias á ética e as compromisos adquiridos polo goberno e as formacións políticas que o sustentan ante a cidadanía e ante o pacto de goberno.
Dende Gondomar Concello Aberto non sabemos que lle debe o Sr. Ferreira ao ex Alcalde xulgado, condenado e inhabilitado para o exercicio de cargo público por prevaricación urbanística, e que representa a época máis negra da corrupción en Gondomar, dende logo Gondomar Concello Aberto, e a inmensa maioría da veciñanza, non lle debemos nada.
Tal vez o Sr. Ferreira considera que o goberno actual é un punto e seguido dos anteriores gobernos do PP, para nos é un punto e aparte.
Declaracións e fotos como as de onte NON NOS REPRESENTAN e nos abochornan e así o queremos manifestar publicamente.
Gondomar, 5 de setembro de 2015.
Asdo.: Pauliño del Río Iglesias.
Voceiro do Grupo Municipal de CABE.
2.9.15
Informes das concellerías CABE
Convocatoria de Asemblea veciñal
Gondomar Concello Aberto convoca a toda a veciñanza á Asemblea veciñal que vai celebrar este venres, día 4 de setembro, ás 21:00 h. no Centro Neural, coa seguinte orde do día:1.- Información municipal e da acción de goberno.
2.- PXOM.
3.- Grupos de traballo municipais.
4.- Fiscalización da Asemblea ao Grupo Municipal.
5.- Renovación parcial da Mesa da Asemblea
Informamos que, para que non se prolongue demasiado a asemblea, as roldas de intervencións serán pechadas
A Mesa da Asemblea.
28.8.15
Achegas recibidas a 27.08.2015
Estas son as achegas recibidas en CABE (comentarios, propostas ou suxestións) referente á actividade de Gondomar Concello Aberto.
24.8.15
Achegas recibidas a 24.08.2015
Estas son as achegas recibidas en CABE (comentarios, propostas ou suxestións) referente á actividade de Gondomar Concello Aberto.
13.8.15
Achegas recibidas
Nesta páxina podes consultar as achegas recibidas en CABE (comentario, proposta ou suxestión Gondomar Concello Aberto).referente á actividade de
Lembra que podes deixar a túa dende aquí.
11.8.15
Informes das concellerías de CABE
Velaquí os informes de Jimena Varela e Josué Villar.6.8.15
Infomes das e dos concelleiros de CABE
Todos os documentos fundacionais de Gondomar Concello Aberto (Manifesto fundacional, Principios programáticos, Código ético) teñen como puntal a Transparencia en todos os ámbitos da súa actividade. Tal foi tamén un dos alicerces do Programa co que concorremos ás eleccións municipais do 24 de maio.
Para cumprir co noso compromiso coa cidadanía, a nosa concelleira e os nosos concelleiros presentarán informes periódicos da súa actividade. Velaquí os primeiros, de Josué Villar, concelleiro de Economía, Emprego e Dinamización económica, e de Jimena Varela, concelleira de Medio ambiente, Mobilidade e Sanidade.
Para cumprir co noso compromiso coa cidadanía, a nosa concelleira e os nosos concelleiros presentarán informes periódicos da súa actividade. Velaquí os primeiros, de Josué Villar, concelleiro de Economía, Emprego e Dinamización económica, e de Jimena Varela, concelleira de Medio ambiente, Mobilidade e Sanidade.
- Informe de Josúe Villar Ballesteros. Concellería de Economía, Emprego e Dinamización Económica. 06.08.2015
- Informe de Jimena Varela Rodríguez. Concellería de Medio ambiente, Mobilidade e Sanidade. 06.08.15
Subscribirse a:
Publicacións (Atom)




















